HOTUBA YA UFUNGUZI MKUTANO MKUU VIJANA WA BAPTIST TANZANIA 2015

TUMEITWA KUTUMIKA

Hii ni kauli mbiu ya mwaka 2015 kwa vijana wa Kanisa la Baptist Tanzania. Mwenyekiti wa makanisa ya Kibaptist Tanzania Mch Arnold Manase, alifungua mkutano huo leo tarehe 2 July, 2015 majira ya saa 7:01 akiongea kwa takribani saa nzima amewaasa na kuwakumbusha vijana wa Jumuiya Kuu ya Wabaptist Tanzania kwamba WAMEITWA KUTUMIKA, amesema hii ni karne ya kujenga kanisa lenye nguvu na lenye waumini wengi. Hii ndio dira ya dhehebu kwa mwaka 2015-2020. Na kwamba ili uwe na kanisa lenye nguvu na lenye waumini wengi lazima 

1.       Uwe na nguvu ya uchumi

2.       Uwe na watenda kazi imara

3.       Vjana wamjuao Mungu

4.       Vijana wanaotembea na Mungu

5.       Vijanawanaoweza kuishawishi Jamii na kuiletea mabadiliko

6.       Na Uwe na vijana wawajibikaji

Akisoma kitabu cha Daniel 1:3-6 “Mfalme akamwambia Ashpenazi, mkuu wa matowashi wake, awalete baadhi ya wana wa Israeli, wa uzao wa kifalme, na wa uzao wa kiungwana; 4vijana wasio na mawaa, wazuri wa uso, wajuzi wa hekima, werevu kwa sababu ya maarifa yao, wenye kufahamu elimu, watakaoweza kusimama katika jumba la mfalme; tena alimwambia awafundishe elimu ya Wakaldayo, na lugha yao.  5Huyo mfalme akawaagizia posho ya chakula cha mfalme, na ya divai aliyokunywa, akaagiza walishwe hivyo muda wa miaka mitatu; ili kwamba hatimaye wasimame mbele ya mfalme.

6 Basi katika hao walikuwapo baadhi ya wana wa Yuda, Danieli, na Hanania, na Mishaeli, na Azaria. 7Mkuu wa matowashi akawapa majina; alimwita Danieli, Belteshaza; na Hanania akamwita Shadraka; na Mishaeli akamwita Meshaki; na Azaria akamwita Abednego.”